Google ADS

Plagosen tre ushtarë kroatë në Afganistan

12:27 | 24 Korrik 2019
Arbresh.info

Tre ushtarë kroatë janë plagosur në një sulm në Afganistan, transmeton Anadolu Agency (AA).

Në Ministrinë e Mbrojtjes të Republikës së Kroacisë është mbajtur konferencë e jashtëzakonshme për media në të cilën ministri Damir Krstiçeviç konfirmoi se ka ndodhur sulm ndaj një automjeti të ushtrisë kroate në Kabul.

Ai konfirmoi se janë plagosur tre ushtarë ku njëri prej tyre është në rrezik jete.

“Sipas informacioneve të fundit, kemi tre ushtarë të plagosur kroatë prej të cilëve njëri pësoi lëndime të rënda trupore në kokë dhe është në rrezik jete. Dy të tjerët morën lëndime të rënda, por janë jashtë rrezikut”, tha ai.

Sipas tij, bëhet fjalë për një rast të izoluar ndërsa të gjithë pjesëtarët tjerë të kontingjentit kroat janë të sigurtë.

Shpërndaje në rrjete sociale

Lajmet më të lexuara

Të ngjashme

Foto lajm